Претседателот на Србија Александар Вучиќ изјави дека на сите во лице им кажал што нема да исполниме од Охридскиот договор, пишува српска „Политика“.
По повод одлуката на Приштина за укинување на динарот на Косово, Вучиќ рече дека тамошните граѓани мора да добијат плати и повтори дека Србија не може да исполни дел од договорот во однос на прифаќањето на Косово во меѓународните институции.
– Чекаме покана некој да оди во Брисел, но не знаеме за што да разговараме, бидејќи Курти нема да зборува за Заедницата на српските општини, тој го чува динарот и нема суспензија, има прикриена поддршка на одредени фактори на моќ, а нешто мора да се реши во деновите пред нас, бидејќи Србите на Косово треба да си ги земаат платите – нагласи претседателот на Србија.
Тој рече дека „мораме да ги заштитиме огништата и земјата во согласност со Уставот на Република Србија“.
Тој напомена дека денеска со претседателот на Европскиот совет, Шарл Мишел разговарал за Србија, агендата за раст, Косово и за настаните во селото Бањска.
– Јас секогаш ќе бидам на страната на прогонетите Срби. Дали е моја вина? Јас сум крив, знам кој чија вина бара. Немаше насилство, ги избркаа од нивните огништа, но што да се прави. Мислам дека Европа мора да гледа на своите стратешки интереси и да ѝ понуди нешто на Србија – рече Вучиќ.
фото: craiyon.com
