Претседателот на Србија, Александар Вучиќ изјави дека тој не е Асад и дека нема да бега никаде.
„Дури и да мислите дека сум Асад, па ќе побегнам некаде – не сум“.
Ова го напиша Вучиќ во својата објава доцна синоќа.
„Жив сум, цел живот живеам овде во Србија, благодарен сум ѝ на мојата Србија, ќе останам овде, ова е моето место каде што ќе завршам. Ќе се борам за Србија и ќе му служам само на мојот – на српскиот народ и на сите други граѓани на Србија – никогаш на странците, никогаш на оние кои сакаат да ја поразат, понижат и да ја уништат Србија“, напиша Вучиќ на својот Инстаграм профил.
Вучиќ предупреди дека Србија е под притисок од различни страни и дека се обидуваат да ја соборат со сите можни хибридни средства.
