Претседателот на Србија, Александар Вучиќ, на 17 и 18 октомври ќе престојува во Народна Република Кина, каде ќе учествува на Третиот форум за меѓународна соработка „Појас и пат“, што ќе се одржи во Пекинг, соопштија од Службата за соработка со медиумите на претседателот на Србија.
За време на престојот во Пекинг, претседателот Вучиќ ќе се сретне со претседателот на Народна Република Кина, Си Џинпинг. По тој повод, двајцата претседатели ќе присуствуваат на потпишувањето на повеќе билатерални договори меѓу Република Србија и Народна Република Кина.
На маргините на Третиот форум за меѓународна соработка „Појас и пат“, претседателот Вучиќ ќе оствари низа билатерални средби со највисоките претставници на земјите учеснички на Форумот, се вели во најавата.
