Големи протести избија пред градското собрание во Белград. Граѓаните се гневни од изборните резултати. Искршено е стаклото на вратата од зградата на Градското собрание.Во градското собрание се поставени барикади кои се гледаат на споредниот влез од улицата Драгослав Јовановиќ. Внатре во собранието се членови на жандармеријата.
Пред градското собрание граѓаните запалија факели, додека лидерите на опозицијата сé уште се обидуваат да влезат внатре. Гнев, стапови, солзавец зад вратите на градското собрание.
Претставници на опозицијата и бројни насобрани граѓани околу 19 часот се упатија кон градското собрание на Белград во обид да го окупираат со цел, според нив, да ја одбранат волјата на народот украдена на последните избори. Новинарите на Нова снимија драматични сцени.
Копретседателката на партијата „Заједно“ Билјана Стојковиќ рече дека целта е влез во Градското собрание.
Лидерот на Зелено-левичарскиот фронт Радомир Лазовиќ вечерва ја повика полицијата да го напушти Градското собрание и да им дозволи на претставниците на опозицијата да зборуваат од собранискиот балкон. Лазовиќ му порача на српскиот претседател Александар Вучиќ дека ги загубил изборите во Белград.
Српскиот претседател Александар Вучиќ се обрати до јавноста откако граѓаните и опозицијата се собраа пред собранието на град Белград. Коментирајќи ги сцените пред градскиот парламент, тој рече дека не е во тек револуција и дека вечерва, како што вели, на средбата се собрале 2.490 луѓе.
– Во моментов има околу 1.195 луѓе. Во исто време сакам да ви кажам дека некои го покажаа своето лице. Со денови укажувавме на тоа и со денови кажувавме дека се подготвуваат за тоа. Со денови го предупредувавме странскиот фактор за тоа што се случува и многумина се правеа наивни и не сакаа да слушнат што се случува. Благодарам на тие странски служби кои ни ја дадоа таа информација – изјави Вучиќ додавајќи дека токму припадниците на движењето „Србија против насилството“ докажале дека се силеџии со денешниот чин.
Тој додаде:
Во обраќањето до граѓаните од Претседателството на Србија, Вучиќ рече дека пред изборите и рекол на премиерката дека ова е нејзиниот последен мандат.
