Напаѓачот од масакрот во Врачар, 13-годишниот Коста К. на другар за 1 мај му рекол дека „ќе му го донесе подарокот на училиште во среда, на 3 мај“. Ова го потврдува за него врсник од училиштето Владислав Рибникар кој успеал да се спаси. Тој вели и дека додека играле фудбал Коста му зборувал дека му е забавно на стрелиште на кое одел со неговиот татко, пишува францускиот венсик Ле Соир.
Коста К. уби осуммина соученици, чуварот на училиштето, а рани шест соученици и наставничакта по историја во чин кој ги потресе Србија и регионот.
Го видов во дворот, не знаев дека тој е убиецот
– Беше крај на првиот час, околу 8:35 часот. Слушнавме истрели, но прво помисливме дека масите се превртеле, бидејќи беше погласно од петарди. Сѐ се случи брзо, сфативме дури кога еден од нашите професори влезе во викање во училница: „Пукаат, бегај, бегај!!! Нашиот учител нѐ спаси. Додека си одев, погледнав низ прозорецот и го видов Коста во дворот. Тогаш не сфатив дека е убиец, дознав подоцна – рекол школскиот другар на Коста, цитиран од Ле Соар.
„Со часови игравме видеоигри“
Тој раскажа за врската со Коста К.
– Ние долго време сме пријатели. Се гледавме и надвор од училиште. Со часови игравме видео игри, особено Fortnite, но игравме и фудбал во паркот Ташмајдан – објаснува тој.
„Повлечен беше, му велеа дека е бубалица“
Врсникот за Коста вели дека бил мирен, љубезен и малку интровертен.
– Тој е човек кој ги чува своите работи за себе. Дури и кога ќе го натерате да игра фудбал, тој се држи настрана. Има многу малку пријатели – објасни другарот.
Како што вели, децата му велеле дека е бубалица, но тврди дека масакрот не е поврзан со лоша оценка во училиште.
– Никогаш не добиваше лоши оценки – вели тој.
На другарот му рече „ќе го добиеш подарокот“
Понатаму наведува дека Коста пукал и во својот другар, на кому не му донел роденденски подарок два дена пред масакрот.
– Му рече: Ќе добиеш подарок во среда на училиште – вели тој.
Меѓутоа, како што раскажува пријателот на Коста, момчето успеало да се спаси скокајќи од прозорецот.
„Не знам зошто Коста ни го направи тоа“
Едно од шесте ранети деца, момче кое го преживеа го опишува хоророт на следниот начин:
– Беше страшно… Не знам зошто ни го направи тоа Коста, не бевме ни пријатели. Не го допревме, постојано ни беше лут. Многу ми е жал за моите пријатели… – вели момчето.
Момчето за влакно ја избегнало смртта и завршило на ургентниот центар.
– Сè се случи брзо. Сите бевме во училница кога втрча Коста! Прво ја рани наставничката. Сите почнавме да врескаме, да паѓаме, да се криеме под клупите, а наставничката легна врз нас за да нѐ заштити. Потоа ја застрела неколку пати. Се сеќавам дека уште двајца скокнаа од прозорецот, а некои дури се преправаа дека се мртви. Сите бевме на подот. Потоа почна да нѐ гази и не престана да пука. Не бевме толку блиски пријатели, тој имаше свое друштво. Не знам ни каде сум на неговиот список – изјави едно од шесте ранети деца.
