Врховниот суд во Русија ја категоризираше ЛГБТ заедницата како „екстремистичка“, дополнително ограничувајќи ги нејзините права.
Руското министерство за правда поднесе жалба до Врховниот суд, кој го разгледуваше случајот без претставници на ЛГБТ и зад затворени врати.
Руска новинска агенција објави дека судот одлучил да го прогласи меѓународното ЛГБТ движење за екстремистичка организација и да ги забрани неговите активности во Русија.
Овој потег наиде на жестоки критики од активистите за човекови права, како и од Високиот комесар на ОН за човекови права Волкер Турк.
„Ги повикувам руските власти веднаш да ги укинат законите кои наметнуваат несоодветни ограничувања на работата на бранителите на човековите права или ја дискриминираат ЛГБТ заедницата“, се наведува во соопштението на Турк.
