Времето денеска ќе биде посвежо преку утрото, а преку денот сончево и релативно топло, со мала до умерена локална облачност, информира Управата за хидрометеоролошки работи (УХМР).
Минималните утрински температури ќе изнесуваат од 3 до 12 степени Целзиусови, а максималните дневни температури од 19 до 29 степени Целзиусови.
Се очекува да дува слаб ветар од јужен правец.
Времето во Скопје ќе биде сончево и релативно топло. Утринската температура во Скопје ќе изнесува 8 степени Целзиусови, а дневната температура ќе достигне 27 степени Целзиусови.
