Времето денеска во целата земја ќе биде сончево и релативно топло со умерена облачност. Ќе дува умерен, наместа повремено засилен ветер од јужен правец.
Минималните утрински температури ќе се движат од 0 степени во Берово и во Маврово до 6 во Гевгелија, а максималните дневни од 10 во Маврово и 18 Целзиусови степени во Гевгелија.
Во Скопје ќе биде претежно сончево со слаб до умерен ветер од јужен правец. Температурата ќе се движи од 2 до 17 степени.
В сабота веќе очекува значителна промена на временските услови, па така нѐ очекува променливо облачно и релативно топло во западните делови со услови за повременен дожд. Ќе дува умерен, а во источните делови и во Пелагонија повремено засилен ветер претежно од југоисточен правец.
Минималните утрински температури ќе се движат од 2 степени до 6 степени, а максималните дневни ќе бидат во интервалот од 8 степени до 18 степени.
В недела исто така нѐ очекува променливо облачно, попладне со локални врнежи од дожд. Ќе дува умерен, а долж Повардарието и во источните делови засилен ветер од јужен правец.
Минималните утрински температури ќе се движат од 4 степени до 9 степени, а максималните дневни ќе бидат во интервалот од 11 степени до 17 степени.
