Времето денеска ќе биде сончево и топло со мала до умерена облачност. Ќе дува умерен, наместа повремено засилен ветер од јужен правец, информираше УХМР.
„Во Скопје сончево и топло со мала облачност. Ќе дува слаб до умерен, а во делови од котлината повремено засилен ветер од југоисточен правец“, се вели во соопштението.
Продолжува периодот на сончево и топло време со мала до умерена облачност. Утре претпладне ќе има зголемување на облачноста со услови за слаб локален дожд и благ пад на дневната температура.
