Времето денеска ќе биде променливо облачно, наутро со услови за магла или ниска облачност по котлините, најавува Управата за хидрометеоролошки работи.
Од пладневните часови ќе има повремени врнежи од дожд, а на планините, особено во западните делови, ќе има врнежи од снег. Повремени врнежи ќе има и преку ноќта. Ќе дува слаб до умерен, а долж Повардарието повремено засилен ветер, претежно од југоисточен правец.
Најстудено ќе биде во Берово, каде утринската температура ќе се спушти до минус 4 степени, а максималната температура ќе достигне до 10 степени во Гевгелија.
Во Скопје времето ќе биде умерено до значително облачно. Од пладневните часови ќе има услови за краткотарен дожд во делови од котлината. Минималната температура ќе се спушти до минус 2, а днемвата ќе се искачи до 7 степени Целзиусови.
Од утре во пладневните часови до ноќта кон понеделник времето ќе биде променливо облачно со повремени врнежи од дожд. На планините, а во недела и на некои од повисоките места, особено во западните делови врнежите ќе бидат од снег.
Во недела и во понеделник во Повардарието ќе засилува северен ветер, а на почетокот на неделата утринските температури ќе бидат значително пониски.
Albanian
English
Macedonian
Turkish
