Вработен на Клиниката за кардиохирургија, денеска, околу 10 часот, прво вербално нападнал медицинска сестра, а потоа физички го нападнал директорот на клиниката, по што ја напуштил Клиниката и самиот се пријавил во ПС Центар, известуваат од Министерството за внатрешни работи (МВР).
„Во СВР Скопје добиена е пријава за случајот. Известен е и јавен обвинител и се преземаат мерки за расчистување на настанот“, соопшти МВР.
Потврда за инцидентот пристигна и од Министерството за здравство:
„Министерството за здравство ја имформира јавноста дека денеска на Клиниката за кардиохирургија се случил инцидент за што е известена полицијата. Министерот за здравство д-р Фатмир Меџити е запознаен со настанот од здравствените работници побара совесно и професионално однесување и да се посветат на пациентите“, наведено е во соопштението.
