Патниците во Евротунелот мораа да бидат евакуирани од возот во вторникот, откако тој се расипа под Ла Манш, а со алтернативен превоз стигнаа до својата дестинација по повеќе од пет часа.
Стотици патници беа пренасочени кон алтернативен, сервисен тунел по дефект во возот во подморскиот тунел на линијата Кале до Фолкстон во раните утрински часови во вторникот навечер.
Видеата на социјалните мрежи покажаа луѓе кои шетаат низ алтернативен тунел долж железничката рута долга 31 милја (50 километри) меѓу Британија и Франција, некои со куфери и кучиња.
“Услужниот тунел беше застрашувачки“, рече Сара Фелоус (37) од Бирмингем, по инцидентот во вторникот вечерта. „Се беше како во филм за катастрофа. „Една жена плачеше, друга која патуваше сама имаше напад на паника“, раскажува таа.
Друг патник кој не сакаше да биде именуван рече: „Неколку луѓе се откачија во сервисниот тунел, тоа е навистина чудно место… Бевме заробени таму долу најмалку пет часа“.
Во меѓувреме, на патниците во Кале им беше кажано да не пристигнуваат на терминалот до 6 часот наутро во среда.
