Војната во Украина го намали економскиот раст и „значително“ ја зголеми инфлацијата ширум Европа, објави швајцарската народна банка во студија објавена во петокот, додавајќи дека негативните последици допрва треба да се видат.
Откако Русија ја нападна Украина во февруари 2022 година, Европа забележа скок на цените на енергијата, превирања на финансиските пазари и остра контракција на руската и украинската економија, се вели во извештајот.
Истражувајќи го влијанието на војната врз економиите на Германија, Велика Британија, Франција, Италија и Швајцарија, студијата вели дека производството би било помеѓу 0,1% и 0,7% повисоко во четвртиот квартал од 2022 година, доколку Москва не го нападнеше Киев.
Инфлацијата во секоја од земјите би била меѓу 0,2% и 0,4% пониска, се наведува во соопштението.
„Негативните последици од војната веројатно ќе бидат далеку поголеми на среден и долг рок, особено во однос на реалната економија“, се наведува во студијата.
„За една до две години, овој ефект веројатно ќе се удвои“, се додава.
Германија е најтешко погодената земја, според студијата. Нејзиниот БДП ќе беше за 0,7% повисок, а инфлацијата 0,4% пониска во четвртиот квартал од 2022 година, доколку Русија не ја нападне Украина.
Бидејќи конфликтот е поблиску до Европа од претходните војни, европските земји исто така беа негативно погодени од бегалците и дополнителните воени трошоци отколку во минатото.
