Јордан побара од САД да распоредат систем за противракетна одбрана „Патриот“ за да ја засилат одбраната на границите, бидејќи војната меѓу Израел и Хамас во Газа предизвикува закана.
– Побаравме од американската страна да помогне во зајакнувањето на нашиот одбранбен систем со ракетни системи за противвоздушна одбрана Патриот – изјави портпаролот на армијата на Јордан за државната телевизија.
Бригадниот генерал Мустафа Хијари исто така изјави дека е присутна закана по мирот.
-Дроновите станаа закана на сите наши фронтови -изјави тој.
Тој негираше извештаи на социјалните мрежи дека американските воени бази во Јордан се користат за транспорт на воена опрема и оружје од складиштата во државата кон Израел.
