Бразилка со две деца 17 години поминала во куќен затвор. Медиумите јавуваат дека семејството вчера било извадено од куќата во населбата Гуаратиба во Рио де Жанеиро и пренесено во болница.
– Мојот сопруг ми рече дека од куќата ќе излезам само мртва – изјавила жената за локален весник.
Полицијата го уапсила нејзиниот сопругот Луис Антонио Сантос Силва, со кого била во брак 23 години.
Според фотографиите кои ги објави полицијата, куќата во која биле држени била валкана и темна.
Таткото ги врзал и изгладнувал двете деца од 19 и од 22 години.
– Децата беа ужасно неухранети, прво мислевме дека се многу помлади – рекол Вилијам Оливеира од воената полиција која ја извела акцијата за ослободување на семејството.
Обвинителството веќе отворило истрага за случајот.
