Најмалку 71 лице загина во бомбардирањето во текот на ноќта, соопштија претставници на Министерството за здравство во Газа, а најтешките напади се случија во три области на југ: Кан Јунис, Рафах и Деир ел-Балах, каде Израел им нареди на цивилите да побараат засолниште, пренесува Ал Џезира. .
Медицински извор изјави дека стотици биле ранети за време на бомбардирањето, кое ги погодило куќите во Рафах и Кан Јунис. Амбулантите ги превезуваат повредените во и онака преполните болници, а под урнатините се уште има многу луѓе.
Само неколку часа претходно, Си-Ен-Ен објави видео снимено од нивниот дописник од Газа, кој штотуку отишол во Кан Јунис со своето семејство да побара засолниште. Во видеото објаснува дека таму имало и воздушни напади, но дека е многу побезбедно.
Сепак, според извештаите на медиумите, токму ова место сега е под силно бомбардирање.
