Во потрага по преживеани во Турција, спасувачите меѓу урнатините пронашле торба во која било скриено вистинско богатство, два милиони долари пари и накит.
Имено, спасувачите копајќи низ урнатините во Газиантеп пронашле торба во која имало банкноти и накит.
Се појави и видео на кое се гледа како спасувачите бројат големи суми пари. И откако ги преброиле, сето тоа го предале на полиција.
Надлежните најавија дека целиот накит и пари, доколку сопствениците нема да бидат најдени, ќе бидат префрлени во Државната каса.
Да потсетиме, повеќе од 45.000 луѓе загинаа во земјотресот што на 6 февруари ги погоди Турција и Сирија, а бројот на жртвите се очекува да се зголеми бидејќи многумина сѐ уште се водат за исчезнати.
Според последните податоци, во Турција загинале 39.672 лица, а во соседна Сирија повеќе од 5.800.
Турските спасувачки тимови денеска продолжија да ги пребаруваат урнатините, иако шансите да се најдат преживеани се мали.
Експертите велат дека најголемиот број преживеани ќе бидат спасени во рок од 24 часа по земјотресот.
