Косовскиот премиер Албин Курти посочи дека решението околу разграничувањето со Црна Гора, ќе го прави со новата влада која е во формирање.
Тој вели дека ќе ја исправи грешката, кога 8.200 хектари земја ѝ припаднале на Црна Гора, за која Курти смета дека е составен дел на Косово.
– Се надевам дека Црна Гора наскоро ќе добие нова влада, со која ќе можеме да разговараме, за разлика од претходната во која имаше проруски елементи – изјави премиерот.
Во меѓувреме се огласи и се уште актуелниот премиер на Црна Гора, Здравко Кривокапиќ, кој истакна дека неговиот косовски колега дал мошне опасна изјава, со која се загрозува територијалниот интегритет на неговата земја.
– Ме зачудува што досега нема никаква реакција од неуставниот мандатар Дритан Абази – истакна Кривокапиќ.
