Бројот на жртвите од поплавите и одроните предизвикани од обилните дождови во Непал за време на викендот се искачи на 193, а спасувачките напори се засилени, соопштија денеска официјални лица.
Во полициското соопштение се наведува дека 31 лице се уште се водат како исчезнати, а 96 лица се повредени.
Главниот град Катманду е меѓу најтешко погодените области и има најголем број смртни случаи.
Поголемиот дел од јужниот дел на градот е поплавен.
Акцијата за спасување беше интензивирана бидејќи денеска се подобри времето.
