На музички фестивал во Израел на 7 октомври, Хамас уби повеќе од 360 луѓе, а не 260, како што првично се мислеше, според полициската истрага, објави денеска Тајмс оф Израел.
Како што е наведено, ова е речиси една третина од 1.200 убиени за време на упадот на Хамас.
На фестивалот имало околу 4.000 луѓе, а од таму биле киднапирани околу 40 заложници.
Израелскиот Канал 12 во петокот објави дека проценката на безбедносните служби е дека Хамас не знаел дека музичкиот фестивал се одржува пред масакрот.
