Добриот сон е еден од најважните фактори за здравјето и квалитетот на животот. Кога си уморен, не си свој, да го парафразирам текстот на познатата реклама. Кои се најважните предуслови за да имате добар сон?
Тоа се секако добар душек и перница, соодветна собна температура, но и недостаток на бучава и светлина. Тоа беа последните два критериуми кои беа анализирани при креирањето на Европскиот индекс за спиење, студија која откри кој е најдобриот град за спиење во Европа. Ако за време на патувањето ви е важен добар сон, во продолжение дознајте кои градови се идеални за тоа!
Во Берлин 70 отсто од жителите спијат оптимално, без бучава и светлина
Истражувањето ги анализираше податоците за европските метрополи, а германскиот Берлин го зазеде првото место. Експертите за спиење во Online-Bedrooms ги проучувале градовите низ Европа, вклучувајќи ги Франција, Хрватска, Унгарија, Италија и Обединетото Кралство. Градовите беа рангирани врз основа на неколку фактори, кои вклучуваат загадување на светлината, пречки на дневна светлина врз основа на нивоата на облаци, загадување со бучава и оптимално ниво на сон на населението. Берлин е прогласен за најдобар град во Европа за спиење поради слабата осветленост и бучавата загаденост и податокот дека 70 отсто од населението спие доволно и квалитетно, пренесува Путни Кофер.
Најлошиот град за спиење во Европа е Рим
Најлошиот град за спиење во Европа е Рим. Се наоѓа на дното на рангирањето поради високите нивоа на светлосно загадување и бучава. Бучавата е проблем и за 41 отсто од жителите на Прага, која сепак се најде на второто место поради големиот број облачни денови. Светлосното загадување е најлошо во Лондон, но таму 74 отсто од луѓето спијат оптимално, а бучавата е на задоволително ниво. Мадрид има најмал просечен број на облачни денови, што значи дека сончевата светлина го нарушува сонот на жителите, поради што шпанската престолнина е на 10-то место во индексот.
Само три града имаат помалку од 20 отсто од населението вознемирено од бучавата од патиштата ноќе. Тоа се Лондон, Берлин и Загреб. Сепак, главниот град на Хрватска има високо ниво на светлосно загадување (7,44 осветленост на метар квадратен) и многу сончева светлина, така што само 68 отсто од жителите на Загреб имаат оптимален сон.
„Исклучително е важно да се наспиете добро, но европскиот индекс на спиење ни покажа дека тоа понекогаш е невозможно за жителите и туристите. Градот во кој живеете и го посетувате на одмор може да има огромно влијание врз вашите модели на спиење. Нашето истражување покажа дека низ Европа, светлосното загадување, пречки на сончевата светлина, бучавата и ниските нивоа на оптимален сон предизвикуваат лош сон“, рече Ник Шаклок од Online-Bedrooms.
Истражувачите го измериле осветлувањето по квадратен метар
Букурешт е вториот најлош главен град за добар ноќен сон поради високите нивоа на сончева светлина и светлосно загадување, како и 33 отсто од населението под влијание на бучавата ноќе. Градот со најлошо ниво на загадување од бучава од патниот сообраќај беше Париз. Дури 54 отсто од нејзините жители спијат лошо. Прага е град со најмалку светлосно загадување, а потоа следи Будимпешта, која има 5,76 осветлености на метар квадратен.
Во Будимпешта исто така имало повеќе од 70 проценти од жителите кои имале оптимално ниво на сон. Варшава има сличен број жители кои добро спијат (69 проценти). Исто така, само 28 отсто од населението е зафатено со бучава во текот на ноќта. Шестиот најдобар град за спиење во Европа е Осло поради преку 70 проценти од облачните денови што им овозможуваат на жителите да се одморат добро ноќе и покрај тоа што 38 проценти од населението се соочува со бучава. Повеќе за истражувањето можете да прочитате на овој линк.
Најдобрите градови за спиење во Европа, топ листа и број на поени:
Берлин, Германија, 40
Прага, Чешка, 32
Лондон, Англија, 31
Будимпешта, Унгарија, 29
Варшава, Полска, 28
Осло, Норвешка, 27
Даблин, Ирска, 26
Загреб, Хрватска 25
Париз, Франција, 23
Мадрид, Шпанија, 20
Букурешт, Романија, 18
Рим, Италија, 13
