Најмалку 32 лица загинаа, а 16 се повредени во голем пожар во центар за лекување наркомани во северен Иран, јавија денеска иранските медиуми.
Полицијата ги истражува причините за пожарот во кампот за рехабилитација на опиум во Лангаруд во провинцијата Гилан на Каспиското Море, објави иранската полуофицијална новинска агенција Мехр.
Судската новинска агенција Мизан соопшти дека раководителите и службениците на центарот се под истрага. Според Канцеларијата на Обединетите нации за дрога и криминал, Иран има еден од најтешките проблеми со зависноста во светот. Се наоѓа на главната рута за шверц на опиум и хероин од Авганистан до Западна Европа.
