Наместо евро монети повторно во оптек лирите
Во Хрватска еврото беше воведено како официјална валута на првиот ден од оваа година, но се појавија проблеми со лажни банкноти и монети од други валути кои наликуваат на евроценти – прво турска, а сега италијанска лира.
Италијанската лира не се користи повеќе од 20 години, поточно од 2002 година кога Италија го воведе еврото. Но, некои неодоливо потсетуваат на монета од две евра, па затоа треба да бидете внимателни. А особено треба да се внимава со банкнотите, бидејќи циркулираат и фалсификувани, пишува Тпортал.
Хрватската народна банка на својата веб-страница објави неколку совети како да ги проверите монетите и банкнотите на евра.
Евра монетите, како и монетите од другите валути, се заштитени од фалсификување со традиционални заштитни карактеристики како што се специфичен дијаметар, тежина, дебелина и изглед на раб. Монетите од 1 и 2 евра се изработени со софистицирана технологија како двобојни монети (биметал) со трислојно јадро, додека монетите од 10, 20 и 50 имаат центри направени од уникатна легура (нордиско злато) што е тешко да се топи и се користи исклучиво за монети.
Повеќе информации за безбедносните карактеристики на банкнотите и монетите на еврото можете да најдете на официјалните веб-локации на CNB и Европската централна банка.
Еуро банкнотите се изработени од 100 отсто памук, а карактеристични особини му се флуфичноста, еластичноста, цврстината, грубоста на хартијата, издржливоста и големата отпорност на виткање.
