Народот избра промени. Македонија повторно ќе биде горда и твоја, соопшти опозициската ВМРО-ДПМНЕ.
„Огромната поддршка на народот обврзува за промени и брзи резултати, работата не е завршена, црвениот картон граѓаните ќе го дадат на 8 мај. На 8 мај СДСМ ќе доживее уште поголем пораз, затоа што народот сака промени, и просперитет за Македонија. ВМРО-ДПМНЕ се обврзува на напорна работа и експресни резултати по 8 мај, народот мора брзо да ги почувствува промените и Македонија да тргне напред. По 8 мај Македонија ќе тргне по патот на економска обнова, поголеми плати и пензии, развиена инфраструктура, квалитетно образование, здравство какво што заслужува секој човек. По 8 мај следува економска трансформација на Македонија. Ги повикуваме граѓаните уште помасовно да излезат во вториот круг и да ги потврдиме промените. Народот ќе си ја врати Македонија. Македонија повторно твоја“, соопшти ВМРО-ДПМНЕ.
