Додека останатите земји од Европа и светот веќе ги извлекоа своите државјани од Израел, македонските граѓани молат за спас, а власта не реагира. Црна Гора, Србија, Албанија веќе пратија чартер летови, реагираше опозициската ВМРО-ДПМНЕ преку соопштение.
„Наместо конкретна акција, власта излегува со штури соопштенија нашите граѓани во Израел да ги следат насоките на тамошните власти, како некој да би постапил спротивно? Ја повикуваме Владата со брзината и посветеноста со која распишува огласи за коцкарски бизниси и договара тендери во 4 очи да организира авионски превоз на нашите сограѓани кои војната ги затекна во Израел. Наместо нашите сограѓани да се снаоѓаат сами и да се превезуваат со транспорт на други држави, власта да овозможи организиран и безбеден транспорт“, побара ВМРО-ДПМНЕ.
