Владата планира на следната седница на Екомско-социјалниот совет да ја покрене темата за измени на Законот за недела неработен ден, изјави премиерот Христијан Мицкоски.
Тој рече дека планот е да се слушне мислењето на работниците и работодавачите околу ова прашање.
-Имам лична дилема околу тоа. И денеска, недела е неработен ден. Еве вие новинарите, ако има настани во недела ги следите, значи работите. Според тоа лага е дека недела е неработен ден. Вака како што е направен законот, со квадратура на површини и дејности и не се сите еднакво вреднувани. Така што или никој да не работи како во некои градови во централна Европа каде што се се затвора во сабота попладне, а се отвора во понеделник наутро, освен за некои итната служба или ќе се остави можност да се работи во недела со одредена дневница – рече Мицкоски.
Тој додаде дека треба да се има предвид состојбата во земјата, а не да се следат богатите европски метрополи.
-Или ништо да не работи, ако мислиме дека сме толку богата држава, или пак да се остави можност да се работи, а работодавачите да бидат обврзнани да даваат двојна тројна дневница на сите оние кои ќе сакаат да работат во недела и да заработат. Но, оваа тема ќе ја отвориме на следниот Економско-социјален совет – рече Мицкоски.
Albanian
English
Macedonian
Turkish
