Вкупно 100.000 долари му дал Џо Бајден, американскиот претседател, на својот син Хантер, кои биле потрошени на проститутки од Источна Европа, вели нов извештај на говорни пораки кои протекоа од лаптопот на Хантер, наречен и „лаптоп од пеколот“. Сепак, не е јасно дали Бајден бил свесен на што син му ги трошел парите се вели во извештајот. Сѐ се случувало во 2018 и 2019 година кога Бајден се подготвувал да се кандидира за претседател на САД.
Можеби поважна работа за медиумите во САД, освен проститутките е врската на Бајден помладиот со кинескиот нафтен гигант ЦЕФЦ, една од повеќето државни компании во Кина, пишува Дејли Мејл. Говорната пошта од декември 2018 година од постариот Бајден до неговиот син покажува дека Џо прочитал напис во Њујорк Тајмс во кој се споменува врската на Хантер со претставник на ЦЕФЦ.
Написот е точен, Хантер е јасен
Џо Бајден, кој во тоа време беше меѓу неговите позиции како потпретседател и претседател, ја опишува статијата на Тајмс како „прилично добра“, сугерирајќи дека Хантер е „јасен“. Тоа значи дека таткото бил свесен за зделките кои ги прави синот.
Иако написот на Тајмс не навлегува во детали за повеќемилионските зделки на Хантер со ЦЕФЦ, дека зделки имало претходно беше потврдено во е-пошта извлечена од лаптопот. Во мејловите се споменува дека Хантер се сретнал со претседателот на ЦЕФЦ, Је Џианминг, во хотел во Мајами во 2017 година за да разговараат „партнерство за инвестирање во американски инфраструктурни и енергетски зделки“.
Таткото знаел за зделките на синот
Говорната пошта е далеку од единствениот доказ дека Џо Бајден знаел за деловните зделки на неговиот син во странство. Постојат и фотографии од тогашниот потпретседател на вечера во Вашингтон со украински, казахстански и руски соработници на Хантер во 2015 година, а Бајден постариот се сретнал со друг кинески бизнис партнер на неговиот син кога го однел Хантер на патување во „Air Force 2“ во 2013 година.
Хантер, нов начин за уривање на Џо Бајден
Синот на претседателот Џо Бајден, Хантер, ќе биде приоритет на надзорот за републиканците ако освојат мнозинство во Претставничкиот дом во ноември „бидејќи го сметаме Хантер Бајден како ризик за националната безбедност“, рече пратеникот Џејмс Комер од Кентаки во вторникот за Фокс Бизнис, пишува Бизнис Инсајдер.
Комер, републиканец на Комитетот за надзор и реформи во Претставничкиот дом, рече дека членовите на комисијата веќе ги истражуваат меѓународните деловни зделки на Хантер Бајден во Русија и во Кина. Комер ќе биде кандидат-фаворит да го преземе претседавањето со панелот доколку Републиканската партија повторно го освои Домот.
Синот влијае на одлуките на таткото?
Републиканците се надеваат дека ќе најдат погрешни постапки што можат да ги поврзат со претседателот Џо Бајден пред претседателските избори во 2024 година, ставајќи ја Белата куќа во дефанзива доколку Бајден избере да се кандидира за втор мандат
– Постојат одлуки што Џо Бајден ги донесува секој ден во оваа Бела куќа, кои се сомнителни, кои се против она што мислам дека мнозинството Американци би го очекувале од Белата куќа, а сепак, овие одлуки се донесени според мене, бидејќи тој бил компромитиран од матните деловни зделки на неговиот син – рече тој.
Хантер Бајден претходно беше под федерална истрага за неговите даночни затајувања. До сега, ниту еден доказ не сугерира дека неговата работа влијаела на политичките одлуки на татко му, Џо Бајден.
Освен овие скандали, еден од поголемите поврзани со Хантер беше дека тој учествувал во финансирањето на озлогласените биолаборатории во Украина преку неговата компанија „Метабиота“.
