Огромен пожар избувна во складиште за нафта во рускиот град Брјанск, пренесоа руските агенции, повикувајќи се на министерството.
Засега нема повеќе детали. Засега нема индикации дека пожарот е поврзан со војната во Украина.
„Министерството за вонредни ситуации го потврди пожарот. Има и потврда дека се работи за резервоари за гориво“, јави ТАСС, повикувајќи се на владината прес-служба.
Руското Министерство за вонредни ситуации во Брјанск добило извештаи за пожар во 2 часот по полноќ по московско време, јави ТАСС, по што спасувачките екипи биле испратени на местото за да потврдат дека пожарот гори во складиштето за нафта.
