Разредените, неусогласени или испакнати веѓи може да укажуваат на здравствен проблем.
На ITV Lorraine, д-р Амир Кан откри дека дури и веѓите можат да откријат многу за нашето здравје.
„Ако ги погледнете веѓите, под услов да не сте ги искубеле или обоиле, ќе најдете некои знаци“, рече тој.
Разредени веѓи
„Доколку веѓите ви се истенчиле, особено на рабовите, ова може да биде знак за недоволна тироидна жлезда“, предупредува д-р Кан.
Кога тироидната жлезда не произведува доволно хормони, тоа може да доведе до замор, зголемување на телесната тежина, но и чувство на безнадежност и депресија, пренесува магазинот City.
Но, истенчувањето на веѓите може да биде знак и за недостаток на хранливи материи, особено железо. Други симптоми на недостаток на железо вклучуваат отежнато дишење, палпитации и бледа кожа.
Веѓи кои излегуваат надвор
Овој знак, во комбинација со лушпеста кожа, може да укаже на псоријаза. Станува збор за автоимуна состојба која предизвикува лезии на кожата, кои формираат сребрено-бел или сив лушпест слој на кожата, објаснуваат од здравствената служба.
Неусогласени веѓи
„Неусогласените веѓи може да бидат предупредувачки знак дека имате алопеција“, вели д-р Кан. Алопеција е медицински термин за губење на косата што може да има многу причини.
д-р. Кан повика да не игнорирате ниту еден од овие симптоми и навреме да го пријавите кај вашиот лекар.
