Покрај диетата и редовното вежбање, постојат уште неколку начини на кои природно можете да влијаете на постигнувањето на посакуваната фигура. Најдобар начин да ги постигнете вашите цели е да започнете наутро, а освен квалитетен појадок, кратка прошетка или тренинг, можете да консумирате и одредени видови на пијалоци кои ќе помогнат во топење на масните наслаги на стомакот.
Диететичарката Ејми Гудсон за Eat This, Not That ги издвои четирите најдобри видови пијалоци кои влијаат на масните наслаги во оваа област, а кои треба да ги консумирате наутро.
Зелен чај
Освен што ги топи масните наслаги, зелениот чај позитивно влијае и на варењето. Овој вид чај е богат со епигалокатехин галат (EGCG), за кој е познато дека го зголемува метаболизмот и го забрзува процесот на согорување на мастите, особено за време на вежбање.
Гудсон истакнува дека „кофеинот во зелениот чај има и благо стимулирачки ефект, што дополнително ја зголемува потрошувачката на калории. Истражувањата сугерираат дека комбинацијата на EGCG и кофеин може да помогне во разградувањето на складираните маснотии, особено маснотиите на стомакот“.
Кафе
Шолја кафе на ден може да помогне да се спречи таложење на сало на стомакот, пренесува Eat This, Not That. Ова се случува затоа што кофеинот го забрзува метаболизмот и ги согорува мастите. Утринската шолја кафе го стимулира и нервниот систем, кој ги информира масните клетки дека е време да се разградат мастите. Овој ефект се засилува кога вежбате.
„Истражувањата покажуваат дека кофеинот може да ја зголеми потрошувачката на енергија и оксидацијата на мастите, особено кај слабите поединци, што го прави одличен утрински пијалок за губење на маснотии“, тврди диететичарот.
Чај од ѓумбир
Омилениот на многумина и многу здрав, ѓумбирот ја зголемува телесната температура, а со тоа и бројот на потрошени калории. Често се препорачува за консумирање за време на настинка, но и како природен избор за зајакнување на имунитетот.
„Гинџеролот, активната состојка на ѓумбирот, помага и во подобрување на варењето, намалување на гладот и забрзување на метаболизмот. Студијата објавена во списанието Метаболизам покажа дека пиењето чај од ѓумбир ја зголемува ситоста и му помага на телото поефикасно да согорува калории“, објаснува Гудсон.
Протеински пијалоци
Протеинските пијалоци се одлични бидејќи се заситувачки и вкусни. Јадењето доволно протеини веднаш по будењето може да ја намали желбата за храна, да го насочи губењето на маснотиите и да помогне да се зачува мускулната маса. Сите овие се клучни фактори кога станува збор за топење на салото на стомакот.
„Утринскиот протеински шејк, направен со протеин од сурутка или растителен протеин, може да помогне во забрзување на метаболизмот благодарение на термичкиот ефект на храната (ТЕФ). „Протеините имаат повисок ТЕФ од мастите и јаглехидратите, што значи дека вашето тело троши повеќе енергија за да го свари и преработи“, заклучува диететичарот.
