Еден морж е забележан во северното француско пристаниште Диепе во Нормандија, милји далеку од неговото природно живеалиште околу Арктичкиот круг, соопштија локалните француски власти.Овој морски цицач, кој вообичаено може да се види на Гренланд, Алјаска или Русија, не покажал никакви знаци на лошо здравје, се вели во соопштението на локалната префектура.
Локалните власти ја опколија областа во петокот навечер за да го заштитат животното, познато и по забите.
Фотографиите објавени од локалните власти на Твитер покажуваат како моржот одмара на брегот.
Моржот е последниот во низата животни од студените арктички мориња кои залутаа во француските води оваа година. Кит белуга умре во реката Сена во август, неколку месеци откако болен кит убиец умре во истата река.
