Употребата на марихуана кај младите Американци минатата година достигна рекорд, а употребата на халуциногени супстанци е во пораст, покажува неодамнешното истражување.
Четириесет и три проценти од 5.000 млади возрасни изјавиле дека користеле марихуана минатата година, што е зголемување од 34 проценти во 2016 година и 29 проценти во 2011 година, според студијата на Универзитетот во Мичиген за следење на иднината објавена во понеделникот.
Дваесет и девет отсто од испитаниците рекле дека користеле марихуана во изминатиот месец во 2021 година, во споредба со 21 отсто во 2016 година и 17 отсто во 2011 година.
Секојдневното уживање е речиси двојно зголемено во последните десет години, од 6 отсто во 2011 година на 11 отсто во 2021 година.
Авторите на овие трудови, финансирани од Американскиот институт за здравје (НИХ), предупредуваат дека нивото на потрошувачка на марихуана во 2021 година е „највисоко од 1988 година, кога започна следењето на овој тренд“.
Во однос на халуциногени дроги, 8 проценти од младите возрасни изјавиле дека користеле ЛСД, МДМА (активна состојка во екстази), мескалин, пејоти, печурки и ПЦП во 2021 година, што е повеќе од 2016 година (5 проценти) и 2011 година (3 проценти).
Речиси 82 отсто од испитаниците рекле дека пиеле алкохол во изминатите дванаесет месеци, што е мало намалување во споредба со 2016 година (83,5 отсто) и 2011 година (83,8 отсто).
Студијата не ги наведе причините зад овие бројки кои покажуваат зголемување на потрошувачката, но рекреативната марихуана сега е легална во речиси 20 американски држави.
