Палестинските деца и семејствата во Појасот Газа практично останаа без вода, соопшти Детскиот фонд на Обединетите нации (УНИЦЕФ) доцна во понеделникот.
„Сега се принудени да користат нечиста вода од бунарите, со што се зголемува ризикот од болести кои се пренесуваат преку вода. Ни треба итен хуманитарен прекин на огнот за да обезбедиме непречен и безбеден пристап за децата и семејствата во Газа“, соопшти УНИЦЕФ.
Газа се соочува со хуманитарна криза без струја, додека останува без вода, храна, гориво и медицински материјали. Цивилите бегаат на југ по израелското предупредување да ги евакуираат северните области.
Борбите започнаа кога Хамас започна повеќекратни ненадејни напади на 7 октомври, кои вклучија бројни ракетни напади и упади во Израел по копно, море и воздух. Хамас рече дека рацијата била одмазда за претходните рации на џамијата Ал Акса и зголемувањето на насилството од израелските доселеници.
Како одговор, израелската војска започна операција против цели на Хамас во појасот Газа.
Најмалку 2.848 Палестинци, меѓу кои 750 деца, загинаа во израелските воздушни напади врз Газа, соопшти Министерството за здравство.
Министерството соопшти дека најмалку 10.859 Палестинци биле повредени во израелскиот бомбардирање.
Во Израел во нападите од Газа загинаа околу 1.400 луѓе.
