УНИЦЕФ објави дека девет од десет деца во Газа немаат доволно хранливи материи од групите на храна кои ќе им обезбедат здрав раст и развој.
„Во Појасот Газа, повеќемесечните насилства и ограничувањата за испорака на хуманитарна помош ги урнаа системите за храна и здравје, што резултираше со катастрофални последици за децата и нивните семејства“, соопшти УНИЦЕФ. ;
Податоците собрани помеѓу декември 2023 и април 2024 година покажуваат дека девет од десет деца во Појасот Газа, кој е под израелска офанзива од октомври минатата година, страдаат од сериозен недостиг на храна, што значи дека преживуваат со не повеќе од две групи храна дневно, пренесува Ројтерс.
„Ова е доказ за страшното влијание што овој конфликт и намалувањето на помошта го имаат врз способноста на семејствата да ги задоволат потребите за храна на децата, како и брзината со која оваа ситуација ги става децата во ризик од неухранетост опасна по живот“, предупредува УНИЦЕФ.
