Унгарската телевизија RTL објави видео од несреќата, која ја снимила камера од еден од камионите кои учествувале во судирот. Причина за верижниот судир бил големиот облак од прашина кој се издигнал над дел од автопатот и со тоа целосно ја намалил видливоста.
Возилата нагло почнале да сопираат, а возачите зад нив не ги виделе автомобилите и камионите пред себе, што довело до сообраќајна несреќа во која изгореле 19 возила.
Во верижениот судар во кој учествувале дури 43 возила, кој се случил во саботата, едно лице загинало на автопатот кај Будимпешта, потврди унгарската полиција.
На местото на вчерашната несреќа под еден од изгорените автомобили е пронајдено безживотно тело.
Според полицискиот извештај, повредени се 39 лица, од кои 14 се во тешка состојба, а меѓу повредените има и деца.
