Во текот на претходната ноќ Русија лансираше 26 проектили кон Украина, а во тој напад загина едно лице на североисток, соопшти украинското воздухопловство.
Една жена е убиена во Чугујив, каде е урната станбена зграда, се додава во соопштението.
Според украинските сили, биле соборени 13 проектили.
Претходно утринава беше објавено дека Украина објавила воздушна тревога по информациите дека група авиони бомбардери полетале од база во Русија, што предизвика страв од нови бомбардирања.
Снимено е полетувањето на неколку Тупољев Ту-95МС од аеродромот Олења, кој се наоѓа во областа Мурманск во североисточна Русија, се наведува во пораката на украинските воздухопловни сили на социјалната мрежа Телеграм.
