Украинските власти најавија планови за неколку рути за евакуација и испорака на хуманитарна помош со поддршка на Црвениот крст.
Главната задача е да се ослободат луѓето од опколениот град Мариупол и да се обезбеди помош за неговото население кое остана без храна, вода, греење и чувство на сигурност.
Вицепремиерката Ирина Верешчук во видео порака изјави дека украинските власти денеска повторно се обидуваат да испратат помош во Мариупол и да го евакуираат населението во градот Запорожје.
Претходните обиди беа неуспешни, бидејќи конвоите со помош и автобусите за евакуација беа цел на руско гранатирање.
Верешчук рече дека ќе испрати автобуси во неколку предградија на Киев со цел да ги евакуира луѓето од главниот град и да им достави помош на оние што остануваат таму.
Таа, исто така, најави напори за создавање нови хуманитарни коридори за испорака на помош до луѓето во областите окупирани или под руски напад околу јужните градови Керсон, Чернихов на север и Харков на исток.
