Украинскиот правобранител, Дмитро Лубинец, се спротивстави на намалувањето на возраста за мобилизација на 18 години.
– Јас сум против тоа. Разбирам дека на Украина може да ѝ недостасуваат ресурси за мобилизација. Овој недостаток е забележан во вооружените сили каде што, сепак, веќе има многу луѓе кои се борат против агресијата на Русија. Според мене, има потреба од поефективен внатрешен процес – истакна Лубинец.
Тој додаде дека мобилизацијата е сложен процес што мора да се спроведе строго, во согласност со актуелниот закон.
– Ако дозволиме да се мобилизираат овие млади луѓе без семејства или деца, ризикуваме да ја оставиме Украина без иднина. Според мене, има многу средовечни мажи, меѓу 30 и 45 години, кои се најефективната група за мобилизација – наведе Лубинец.
Тој ја истакна загриженоста за транспарентноста на процесот на мобилизација, посочувајќи го непропорционалниот број мобилизирани луѓе од руралните средини во споредба со оние од градовите.
Од почетокот на следната година предвидено е сите Украинци на возраст од 18 до 25 години да завршат задолжителната воена обука.
