Заменик-министерот за одбрана на Украина, Хана Малиар, рано во понеделникот објави дека армијата на земјата напредувала во близина на Бахмут во последните неколку дена.
„Во Бахмут и неговата околина се е тешко. И покрај се, нашите војници успеаја некако да напредуваат. Сето тоа е благодарение на извонредните вештини и професионализам на нашата армија“, изјави Малиар на Телеграм.
Според неа, руските сили ги повлекуваат своите единици во предградието на Бахмут, додавајќи дека во регионот се водат тешки борби.
Во неделата таа рече дека украинските сили повторно ја презеле контролата врз повеќе од 10 руски позиции во северниот и јужниот дел на предградието Бахмут.
Јевгениј Пригожин, шеф на паравоената група „Вагнер“, доцна во неделата изјави дека нивните сили во изминатиот ден напреднале до 130 метри.
Пригожин тврди дека почнале да спроведуваат операции за заземање на Бахмут, како и запирање на обидите на украинските сили да се пробијат.
Со месеци руските сили се обидуваат да го заземат Бахмут, транспортен и логистички центар во украинскиот регион Доњецк, кој е дел од индустријализираниот регион Донбас.
