Русија соопшти дека украинскиот дрон се урнал на околу 50 километри од Москва, без жртви или материјална штета.
„Дон од украинско производство се урна во областа Богородск, на околу 50 километри источно од Москва, и беше пронајден во река во шумата“, напиша рускиот функционер Игор Сухин на Телеграма.
Ова е втор ваков инцидент во близина на Москва од почетокот на нападот врз Украина во февруари 2022 година.
Според анонимен извор кој го пренесува Риа Новости, дронот „немал муниција“, додека друг извор тврди дека можеби носел 18 килограми експлозив.
Поради инцидентот и зачестените напади со украински беспилотни летала, во повеќе градови беа откажани прославите на 9 мај по повод победата во Втората светска војна. Сепак, воената парада на Црвениот плоштад во Москва ќе се одржи.
Кремљ објави дека нападот со беспилотни летала врз Црноморската флота во Севастопол, Крим, бил спречен во нападите во раните утрински часови.
Киев никогаш јавно не ја презеде одговорноста за нападите во Русија.
Albanian
English
Macedonian
Turkish
