Нападите на Русија врз некои украински градови се интензивираат, а ситуацијата се влошува со обидите за евакуација на цивили од тие области втор ден по ред.Најтешко е на југ околу Мариупол и околу Киев.Украинската пратеничка Ина Совсун во неделата на својот профил на Твитер напиша дека Русите го оштетиле гасоводот Доњецк-Мариупол, оставајќи повеќе од 700.000 луѓе без греење бидејќи температурите продолжиле да паѓаат под нулата.Претходно, градоначалникот на Мариупол, пристаниште во јужна Украина, рече дека неговиот град се соочува со „хуманитарна блокада“ поради недостиг од комунални услуги.
Руските воени единици ги прекинаа сите 15 далноводи до градот, кој веќе пет дена е без струја, изјави градоначалникот Вадим Бојченко за украинската телевизија.
Тој додаде дека луѓето од зимата се тресат во становите бидејќи сите топлани се напојуваат со струја. Ниту мобилната комуникација работи без струја, објасни тој. Уште пред почетокот на војната, главниот градски водовод бил затворен, па пет дена по почетокот на инвазијата, сите резерви на вода биле исцрпени.
