Петмина шверцери на возраст од 35 до 52 години, кои се државјани на Украина, Чешка, Полска, Романија и Индија, во понеделник, вторник и среда биле фатени како шверцуваат мигранти со автомобили и комбиња во округот Карловац, извести во петокот полициската управа во Карловац.
Меѓу шверцерите, само Индиец има дозвола за престој во Хрватска.
Против нив е поднесена кривична пријава бидејќи е констатирано дека за личен интерес за однапред договорена сума превезувале странски државјани до крајната дестинација и се предадени на надзорникот на притворот.
Возилата во кои се превезувале странските државјани биле со украинска, чешка, германска, француска, бугарска и хрватска ознака.
Утврдено е дека сите превезени странски државјани илегално влегле во Република Хрватска и сите изразиле намера да поднесат барање за меѓународна заштита.
Од полицијата додадоа и дека до надлежниот суд е поднесена пријава против 26-годишен државјанин на Франција и 36-годишен државјанин на Турција со дозвола за престој во Франција за сторено дело од Законот за странци.
И 35-годишниот државјанин на Украина бил третиран согласно Законот за безбедност на сообраќајот на патиштата.
