Командантот на копнените сили на Украина во понеделникот изјави дека Русите почнале да користат тактика на „изгорена земја“ во источниот украински град Бахмут, уништувајќи згради и позиции со воздушни напади и артилерија.
Рускиот напад врз Бахмут, мал град во регионот Доњецк, е во центарот на најголемата битка откако Москва ја започна инвазијата на Украина во февруари 2022 година.
„Непријателот се префрли на таканаречената тактика на изгорена земја од Сирија. Уништува згради и позиции со воздушни напади и артилериски оган“, изјави генералот Олександр Сирискиј, командант на украинските копнени сили.
Украинската одбрана на Бахмут продолжува, додаде тој.
„Ситуацијата е тешка, но може да се контролира“, го цитира украинскиот воен медиумски центар.
Сириски рече дека руските сили носат специјални сили за да го засилат нападот врз градот бидејќи членовите на руската платеничка група Вагнер биле „исцрпени“.
