Украински беспилотни летала ноќе повторно ја погодија руската енергетска инфраструктура, овој пат во Смоленск, кој се наоѓа во близина на руско-белоруската граница. Напади со беспилотни летала беа пријавени и од Липецк и Белгород. Нема извештаи за жртви.
Како што напиша на мрежата Телеграм гувернерот на Смоленск, Василиј Анохин, по нападот избувнале неколку пожари. Засега не е јасно за каков инфраструктурен објект се работи, бидејќи како што пишува порталот на новинската агенција Ројтерс, во Смоленск нема поголеми рафинерии за нафта, кои беа редовна цел на украинските прекугранични напади во последните месеци. .
Дрон во Липецк погоди индустриска зграда, додека противвоздушната одбрана собори беспилотно летало над Белгород.
