Поротата во Јужна Каролина во четвртокот го прогласи поранешниот висок адвокат Ричард Алекс Мардог за виновен за убиство на неговата сопруга и синот, по шестнеделни сослушувања кои го привлекоа вниманието на јавноста ширум Соединетите држави.
12-члената порота, по речиси три часа размислување, го прогласи Мардо (54) за виновен по две точки од обвинението за убиство на неговата сопруга Меги (52) и најмладиот син Пол (22), кои беа егзекутирани од непосредна близина до куќата за кучиња на нивниот семеен имот.на имотот на 07.06.2021 година.
Мардо ја задржа својата невиност за време на драматичните шестнеделни рочишта и стоеше без емоции додека се читаше пресудата. Неговиот адвокат побара поништување на пресудата, што судијата веднаш го одби.
„Доказите за вина се неспорни“, рече судијата Клифтон Њуман.
Мардо е потомок на влијателно правно семејство од областа Чарлстон. Иако се изјасни за невин за убиствата, тој призна дека лажел за своето алиби и финансиските злосторства што ги направил, што го наруши неговиот кредибилитет кај поротата.
По изрекувањето на пресудата му се заканува затворска казна од 30 години до доживотен затвор.
Случајот привлече интензивно медиумско внимание со оглед на огромната политичка моќ на семејството во округот Колтон, каде што се одржа судењето.
Со децении, до 2006 година, членовите на семејството служеа како обвинители во областа, а Мардо беше истакнат адвокат во длабокиот југ.
За време на судењето, обвинителите го претставија Мардо како лажго и тврдеа дека само тој има средства и можност да ги изврши убиствата. Тие изведоа 60 сведоци, вклучувајќи пријатели и колеги, кои сведочеа дека тој крадел милиони од неговата адвокатска канцеларија повеќе од една деценија.
Тие тврдеа дека ги убил сопругата и синот за да ги прикрие наводните финансиски злосторства, вклучително и кражба на милиони долари од партнери и клиенти за да ја финансира неговата зависност од опијати и раскошниот начин на живот.
Меѓу најсилните докази беше признанието на Мардо минатата недела за лажно алиби ноќта на убиствата.
Мардо го смени сведочењето откако поротата слушна аудио доказ дека тој бил на местото на злосторството неколку минути пред да бидат извршени убиствата.
Случајот со внимание беше следен и во САД, каде што сите медиуми, дури и оние најсериозните, го сечеа животот на ова богато семејство, гордо на три генерации обвинители и судии.
Документарниот филм „Murdaugh Murders: A Southern Scandal“ беше еден од најгледаните филмови на Нетфликс во САД минатата недела.
