Европскиот шампион во бокс Никита Иванов е уапсен во Москва, откако пукал во луѓе кои се обиделе да го задржат по тепачка.
По тепачка со три различни лица, Иванов извадил пиштол од јакната и почнал да пука во обезбедувањето на ресторанот во кој бил.
Боксерот прво се степал со гостин во ресторанот, а потоа и со двајца обезбедувачи. Потоа Иванов вади пиштол и пука во луѓето, а еден од присутните пред ресторанот успеа да му го одземе оружјето.
Целиот инцидент е снимен и објавен на социјалните мрежи.
По инцидентот Иванов е приведен.
-Човекот кој беше приведен поради пукање во близина на ресторан во центарот на Москва е идентификуван како Никита Иванов (37), европски шампион во бокс – изјави портпаролот на полицијата за руските медиуми.
