Во Ниш полицијата заплени околу 28 килограми марихуана и уапси четворица членови на криминалната група М.М. (55), Ј.Т. (48), Д.Ж. (60) и Д.С. (36), поради постоење основи на сомнение дека сториле кривично дело неовластено производство и пуштање во промет наркотични дроги.
Уапсен е и М.С. (31), кој се товари за кривично дело неовластено држење наркотични дроги, соопшти СВР Ниш.
Полицијата ги уапсила осомничените кога се враќале од плантажите во село Стара планина со две вреќи марихуана. Во плантажата се пронајдени уште 273 растенија канабис.
При претрес на становите и објектите што ги користеле пријавените, одземени се повеќе мобилни телефони, вага за прецизно мерење и едно патничко возило.
На осомничените им е одредена мерка притвор до 48 часа, а со кривична пријава ќе бидат изведени пред вишиот јавен обвинител во Ниш.
