Таканаречената терористичка група Исламската држава испрати закана пред натпреварите од Лигата на шампионите.
Во пресрет на осминафиналето од Лигата на шампионите пристигна страшна порака која ја крена цела Европа на нозе. Откако минатиот месец извршија напад во Москва, каде имаше повеќе од 140 лица, терористичката група т.н. Исламска држава повторно се закани.
Тие објавија плакат на кој се прикажани стадионите на кои се одржуваат четвртфиналните натпревари од Лигата на шампионите со пораката што ја смрзнува крвта: „Убијте ги сите“.
Во Мадрид ништо не препуштија на случајноста, ангажираа дополнителни 3.000 војници за се да помине во најдобар ред, а само еден ден по натпреварот помеѓу Реал Мадрид и Манчестер Сити (3:3) беше извршено големо апсење.
Имено, полицијата уапсила маж кај кого пронашла автоматска пушка, муниција, пиштол и заштитни елеци. Се вели дека станува збор за човек кој се бара во Белгија поради вмешаност во случаи на убиства, грабежи и киднапирања.
Шпанската престолнина била само негова попатна станица во Франција, поточно градот Нант, а локалната полиција тврди дека тој е поврзан со организиран криминал, па неговата поврзаност со тероризмот, барем засега, се исклучени, пишува Мундо Депортиво.
