Матео Месина Денаро, кој е идентификуван како шеф на сицилијанската мафија Коза Ностра, е уапсен по повеќе од 30 години потрага.
Како што пишува Гардијан, италијанските карабинери го уапсија Денаро во сицилијанската престолнина Палермо. Тој е осомничен дека е на чело на озлогласената Коза Ностра. Тој беше осуден во отсуство на доживотен затвор за неговата улога во убиствата на антимафијашките обвинители Џовани Фалконе и Паоло Борселин во 1992 година. На истата казна е осуден за учество во бомбашките напади во Фиренца, Рим и Милано, во кои во 1993 година загинаа десет лица.
Денаро, наречен „Дијаболичен“, своевремено се сметаше за „шеф на газдите“ на сицилијанската мафија, по смртта на Бернардо Провенцано во 2016 година и Салваторе Рина во 2017 година.
