Земјотрес со јачина од 7,8 степени според Рихтеровата скала ја погоди рано утринава јужна Турција и беше почувствуван во поголем дел од земјата, како и во неколку земји во регионот, вклучително и соседна Сирија. Катастрофалниот земјотрес се случи во 04:17 часот по локално време на длабочина од приближно 17,9 километри. Стотици луѓе загинаа во Турција и Сирија, а се верува дека стотици други се заробени во урнатините. Се стравува дека бројот на загинати би можел дополнително да се зголеми во наредните часови. Турскиот претседател Реџеп Таип Ердоган соопшти дека според досега достапните информации животот го загубиле 912 лица. Сириските државни медиуми објавија дека досега е потврдена смртта на 320 лица во таа земја. Вкупно, тоа е повеќе од 1200 луѓе.
Турција ја погоди нов разорен земјотрес! Повеќе од 1.200 мртви, срамнети со земја градови
